Sámi joatkkaskuvla Kárášjogas lea stáhta skuvla mas leat birrasii 150 oahppi juhkkojuvvon 5 oahppoprográmmii; oahppospesialiseren, dearvvasvuođa- ja bajásšaddanfága, huksen- ja ráhkadusteknihkka, teknihkka ja industriijabuvttadeapmi ja mediat ja gulahallan. Skuvllas leat ođđaáigásaš rusttegat ja buorit lanjat. Kemiija- ja fysihkkalanjat leat aiddo divvojuvvon ja ođasmahttojuvvon.

Skuvlla ulbmilin lea addit oahpu sámegielas ja sámegillii dan dásis mas oahppi lea. Dát mearkkaša ahte sihke sámegielat ja dárogielat oahppit váldojit sisa. Skuvllas lea buorre bargobiras ja deattuha oahppanbirrasa ja oahpaheddjiid fágalaš-pedagogalaš gelbbolašvuođa nannema.

Čuovvovaš oahpahusvirggit leat rahpasat:

  • 100% sadjásaš virgi sámegielas olggos skuvlajagi 2018/19

Virgi galgá vuosttažettiin gokčat sámegiela. Virgádeapmái gáibiduvvo oahpahangelbbolašvuohta sámegielas ja muhtun eará oktasašfágas, ja praktihkalaš-pedagogalaš oahppu. Virgi sáhttá juhkkot oassevirggiide. Maiddái sii geain ii leat praktihkalaš- pedagogalaš oahppu dahje oahpahangelbbolašvuohta dušše sámegielas, ávžžuhuvvojit ohcat.

  • 50% sadjásaš virgi oktasašfágain olggos skuvlajagi 2018/19

Virgádeapmái gáibiduvvo praktihkalaš-pedagogalaš oahppu ja oahpahangelbbolašvuohta, lášmmohallamis, dárogielas ja/dahje eaŋgalsgielas dahje muhtun eará oktasašfágas.

Ekonomalaš ovdamunit Finnmárkkus:
Lohkanloana oanideapmi eanemusat 25 000 ru jahkái.
Hálbbit el-rávdnji.
Unnit vearru.

Gusto virgádeapmái pedagogalaš virggiide:

  • Virgádeapmi farggamusat
  • Virgádeapmi dahkko gustojeaddji lágaid ja láhkaásahusaid ja stáhtas gustojeaddji tariffa- ja sierrašiehtadusaid eavttuid vuođul.
  • Bálkkás gesso penšuvdnamáksu Stáhta Penšuvdnakássii.
  • Virgádeapmi dahkko 6 mánu geahččalanáiggiin.
  • Dat gii virgáduvvo ferte buktit gustojeaddji politiijaateastta.

Ohcanáigemearri: 11.12.18
Eanet dieđuid oažžu rektoris tlf. 78 46 96 00.
Ohcan oktan bargo- ja oahppoduođaštusaiguin sáddejuvvo Sámi joatkkaskuvlii, Poastastobe 113, 9735 Kárášjohka dahje e-postii Dát e-boastačujuhus suddjejuvvon spambotaid vuostá. Fertet aktiveret JavaScript jus háliidat oaidnit dan.