Dehálaš diehtu!

Skuvla lea DUŠŠE rabas ohppiide ja bargiide corona-dilálašvuođa dihte.

Skuvlaálgin sámi joatkkaskuvllas Kárášjogas

Skuvllas leat doaibmabijut dasa mo easttadit corona njoammuma. Skuvla lea ráhkadan njuolggadusaid corona ektui maidda juohke luohkká galgá oahpásmuvvat vuosttaš skuvlabeaivve. Ruoná, fiskes ja rukses dásit čájehit makkár easttadandoaimmat doibmet skuvllaide iešguđetge dásiin das gitta mo dilálašvuohta lea corona ektui. Lea Norgga dilálašvuohta njoammuma ektui mii mearrida guđe dási min skuvla galgá čuovvut.

Oahppiide lea oadjebas skuvlladilálašvuohta

Mii galgat fuolahit oahppiide oadjebas skuvlladilálašvuođa ja loaktima. Buot skuvlla bargit galget čuovvut mielde ahte oahppiin lea buorre ja oadjebas (skuvlabiras) dilli skuvllas. Ovddasguvlui  čuovvut dárkilit mielde sihkkarasten dihte buori eastadandoaimmaid.

  • Jus leat buohcci dahje dovddat vuoiŋŋahatdávdamearkkaid de galggat bissut ruovttus.
  • Basa gieđaid ovdal go skuvlii boađat, ja desinfisere gieđaid go lávket skuvlavisttái. Basa gieđaid dávjá ja dárkilit máŋgii skuvlabeaivvis.
  • Lea dehálaš doalahit sihke buori giehtabuhtisvuohta ja buhtisvuođa skuvllavisttis.

Bures boahttin!

soke skoleplassMis leat ain skuvlasajit 2020/21 oahppojahkái. Váldde minguin oktavuođa, de gulat eambo. Mis lea buorre verddebearašortnet jus háliidat min skuvlii, ja dárbbašat orrunsaji.

Loga eanet …

 DIEĐUT SKUVLAÁLGIMA BIRRA        

Sámi joatkkaskuvla sávvá buot oahppiide bures boahtima ođđa skuvlajahkái.

Skuvla álgá duorastaga 20.08.20 dii. 10.00. Corona dilálašvuođa geažil de leat válljen juohkkit oahppiidjoavkku guovtti oasis vuosttaš skuvlabeaivái.

Fidnofágaoahppit:

Dii. 10.00 – Buot fidnofágaoahppit - Deaivvadeapmi kantiinnas

-          Rektor sávvá bures boahtima

-          Guoimmuheapmi       

-          Oahppiid nammačuorvun. Oahppit čuvvot iežaset luohkkáteamaid luohkkálátnji.     

Dii. 11.30 – Nuvttá borran fidnofágaoahppiide kantiinnas.

Oahppospesialiseren oahppit: Studiespesialiserende elever:

Dii. 11.00 – Buot oahppospesialiseren oahppit – Deaivvadeapmi kantiinas.         

-          Rektor sávvá bures boahtima

-          Guoimmuheapmi       

-          Oahppiid nammačuorvun. Oahppit čuvvot iežaset luohkkáteama luohkkálátnji.     

Dii. 12.00 – Nuvttá borran oahppospesialiseren oahppiide kantiinnas.  

Dearvuođaiguin

Synnøve Solbakken-Härkönen

rektor

 

Loga eanet …

Eará guovlluid oahppit geat dárbbašit orrunsaji fertejit farggamusat váldit oktavuođa skuvllain. Skuvllas lea verddebearašortnet mii sihkkarastá oadjebas ja hálbbes orrunfálaldaga. Loga eanet dan birra oahppigirjjážis.

Loga eanet …

Mo boahtá skuvlla árgabeaivi leat?

Ruoná dássi: Skuvlaárgabeaivi doaibmá nu go dábálaččat. Garvve fysalaš oktavuođa, dasa gullá dearvvaheapmi ja buorresteapmi. Buohkat fertejit muitit doalahit gaskka.

Fiskes dássi: Skuvlaluohkkát sáhttet leat ovttas, ja buot oahppit ožžot ollesáigge skuvlafálaldaga nu go dábálaš skuvlabeaivvit. Kantiidna sáhttá juhkkojuvvot nu ahte luohkkát eai beasa čohkkát fárrolagaid. Garvve fysalaš oktavuođa, dasa gullá dearvvaheapmi ja buorresteapmi, ja garvve čoahkkaneamis stuorra joavkkuide.

Rukses dássi: Oahppit juhkojuvvojit smávit joavkkuide. Sáhttá leat dárbu ráddjet galle oahppi besset skuvlii boahtit hávil. Sáhttit maid oahppiid dáhttut boahtit skuvlii iešguđet áiggiide. Mii fertet doallat gaskka nubbi nubbái, unnimusat mehtera. Oahppit bohtet leat ollu olgun, maiddái dábálaš oahpahusdiimmuin.

Lea Norgga dilálašvuohta njoammuma ektui mii mearrida guđe dási joatkkaskuvllat galget čuovvut. Go skuvla álgá de mii čuovvut fiskes dási njuolggadusaid. Dat mearkkaša earret eará ahte olles luohkkát sáhttet leat ovttas.

Gaskaboddosaččat sáhttet báikkálaš njuolggadusat mielddisbuktit ahte šaddet čavgadeappo easttadan njuolggadusat, omd sáhttá gártat ahte oahpahus šaddá digitála. Lea ovttaaskas skuvla mii addá dieđu iežaset oahppiide jus šattaš dárbu čavget báikkálaš njuolggadusaid corona geažil.

Skuvllasáhttu

Fiskes dássi: Oahppiin geain lea dárbu skuvlasáhttuid, sáhttet johtit busse dahje eará sáhttu mielde skuvlla ja ruovttu gaskka. Oahppit ávžžuhuvvojit doallat gaskka earáide, muhto ii leat gáibádus ahte oahppit galget doallat mehter gaskka nuppi oahppái, vaikko dát gáibádus čuohcá earáide geat leat johtimin.

Rukses dássi: Jus oahppit johtet bussiin dahje eará sáhtuin, de fertejit doallat gaskka earáide, sihke go leat vuordimin busse dahje leat busses. Oahppit  berrejit árvvoštallat lea go vejolaš eará sáhttu mielde johtit skuvlii.

Smittevern på skolen

Go boađat skuvlii de galggat gieđaid bassat. Basa gieđaid dávjá ja dárkilit máŋgii skuvlabeaivvis. Jus ii leat sáibu ja čáhci olámuttos, sáhtát geavahit desinfekšuvdnaávdnasa mat leat olamuttos skuvllas. Desinfekšuvdnaávnnas ii leat seamma buorre go giehtabassan, muhto buorre alternatiiva jus sáibu ja čáhci ii leat olamuttos

Skuvllas fertejit buohkat muitit doallat mehtera gaskka. Skuvllat geahcččalit garvit doaimmaid mat gáibidit lagasoktavuođa oahppiid ja bargiid gaskka.

Garvve gossamis dahje gastimis earáid njeaiga. Gosa bábernjunneliidnái man bálkestat ja basa gieđaid. Lea min buohkaid ovdasvástádus čuovvut neavvagiid ja ovttas hehttet coronadávdda leavvamis ja njoammumis.

Jávkan skuvllas

Čavčča rájes galget skuvllat fas merket jávkama oahppu- ja gelbbolašduođaštussii. Dát mielddisbuktá ahte jávkanráddji doaibma nu go dábálaččat. Jus fertet orrut ruovttus Covid-19 dávdamearkkaid geažil, de atte dieđu oahpaheaddjái vai beasat čuovvut oahpahusa Teams bokte dábálaš oahpahusáiggiide.

Riekti oahpahussii

Buot oahppiin lea riekti oahpahussii. Skuvla galgá sihkkarastit ahte oahpahusfálaldat addo buot oahppiide beroškeahttá lea go njoammudássi ruoná, fiskat dahje ruoksat. Jus leat gažaldagat – váldde oktavuođa skuvllain!  Dát e-boastačujuhus suddjejuvvon spambotaid vuostá. Fertet aktiveret JavaScript jus háliidat oaidnit dan. Tlf. 78469600